Coll. 2009.07.11
© J. Węcławski | | | | | |
Chalazion helveticum Dissing, Sydowia, 33: 29 (1980).
Basionym Chalazion helveticum Dissing, Sydowia, 33: 29 (1980).
Diagnosis Carposomata sparsa, superficialia, sessilia, omnino cinereoalbida, 200-300 µm lata, turbinata vel pulvinata, marginibus irregularibus non elevatis, ascis maturis prominentibus. Excipulum exterius 20-30 µm crassum, e seriebus subparallelis cellularum laxe intertextis, unum stratum vel pauca formantibus compositum. Cellulae parietibus tenuibus, cyanophilis, inferiores angulatae vel subglobulares, 10-15 µm diam., mediae tympaniformes 16-20 × 10-16 µm magnae, superiores elongatae, claviformes, 30-40 × 8-10 µm magnae. Excipulum medullare ex hyphis dense intertextis compositum, septatis, 2-4 µm crassis, tinctura cotton blue leviter affectis. Subhymenium non manifestum. Hymenium 120-135 µm altum. Asci 8 spori, non amyloides, clavati, stipitibus brevissimis, tenuibus, manifesto discretis, plus minus pleurorhynchis portati, 130-145 × 30-36 µm magni, operculis valde conspicuis ad 9.5 µm latis aperti, juvenes tincturam cotton blue avide intra suscipientes. Paraphyses colore nullo, apice plerumque curvae, ad 6-8 µm incrassatae, ad septa constrictae, parietibus cyanophilis. Sporae 23.8-26.0-27.1 × 12.5-13.8-15.8 µm magnae, in duas series vel irregulariter dispositae, achroae, ellipsoides vel inaequilaterae, verrucis valde cyanophilis, hemisphaericis vel irregularibus, 2-4 µm latis et altis, irregulariter sparsis, plerumque singulis, interdum inter se connexis ornatae, juvenes guttulas multas parvas exhibentes, maturae contentu praeter vacuola singula vel una conplura granulari, bullis debaryanis interdum praesentibus.
Holotypus die 29 Augusti anni 1979 cum Pulvinula constellatione consociatus ad terram sub Alno incana circiter 1170 m supra mare prope vicum Pradella tractus Schulsiani regionis helveticae Graubünden sub numero Sch. 79.23 ab E. Horak lectus, siccus in herbario Academiae Technicae Turicensis (ZT) depositus.
Type Sch. 79.23 (ZT) - holotypus
MycoBank 115932
Literature
Dissing H. 1980. Chalazion helveticum (Pezizales), a new species from Graubünden. Sydowia, 33: 29-32.
Classification: Pyronemataceae, Chalazion
Created on 27/05/2015.
Updated on 01/08/2023.
